Victoria's Secret

تدوينة اليوم بتكون عن مشترياتي من
 فيكتوريا سيكرت,,

كانت لي روحة خطافية أيام التخفيضات لفيكتوريا سيكرت,,
والي حبيت آخذه هو أساسا الشنطة لاني قبل كذا أخذت وحدة وكانت المنقذ حقي,,
ما فارقتني نهائياَ من يوم جبتها لكن احتجت وحدة ثانية بحكم الي اشيلوا معاي سار اكثر ^0^",,
هذي الشنطة فيها اربع ستت صغيرة ووحدة كبيرة وملحقه فيها شنطة تحطين أشياء كبيرة مثل الاساس مثلا,,
طبعا أنا أوزع فيها الأرواج بعدين الفرش الصغيرة والمسكرة مع بعض,,
اليلاينر كريمي وكريم الحواجب البني كمان مع بعض,,
السفنجه والاساس و بخاخ تثبيت الميك اب وعلب الضل في الشنطة الكبيرة,,
الباودر والبرونز والهايلايت مع بعض,,
هذي إستخدامي لها لو حبيت احط فيها الميك أب بهذا التوزيع,,
لكن هذي بتكون للاكسسوار واكسسوار الشعر والامشاط البنس أشيائ الشعر بالمختصر ^^",,
أكثر ميزا عجبتني لما اخذها للسفر تتعلق بتعليقه أعلقها في الحمام في الغرفة رهيبة جدا ,,
بتسألوا ليش كل ذا الميك أب في الشنطة عشان السفر,,
لان الواحد ما يحط ببالة السفر وايش لازم يشيل فهذي كانت المنقذ,,
ومرات في خرجة مستعجله مثلا تغير خطط فيكون عندك احتياط الي يساعدك,,

اما بخصوص العطور كان عليها عرض 20% تخفيض وانا ما قد جربت هذي العطور والكريمات فقلت أجربها,,
اذا عجبني شي أخذه بحجم أكبر,,
ميزه هذا الحجم تحمل في الطيارة 60 ملي يعني تاخذينها بالطيارة عادي,,
يعني تبغي ريفرش او ترطيب من شنطتك بدون معاناه,,

الروائح هي:-

1) PURE SEDUCTION

هذي المجموعه ذكرتني بريحة الفواكه الي يحب الروائح الحلوه,,

زي حلويات الفواكة بس بطريقة كويسة,,

حتعجبها الريحة,,

البخاخ ريحته قويه للوهله الأولى لكن من الروائح الي تختفي بسرعة,,
يعني سريعة التلاشي,,
بالنسبه لي هذي الريحة مقبولة لكن مو المفضلة  بالنسبة لي,,

2)LOVE SPELL

تقدري تقولين ريحة البرتقال فيها نفاذة ,,

لكنهي اساسا رائحة التوت والخوخ في الريحتين مع بعض,,

جدا تشبه ريحة البرتقال,,

الريحة مقبولة لكن اعتبرها غير مقبولة بالنسبة لي,,

وهذي المجموعة رح اعطيها أختي لانها عجبتها,,

أما انا المجموعة الثالثة هي اللي حبيتها جدا,,

3)PASSION STRUCK

هذي الرئحة ريحة تفاح الفيجي واركيد الفانيليا,,
فيها هنت الكالونيا مي زي الي قبلها رائحة فاكة,,
رائحة باردة والفانيليا تعطيها نكهة تقدري تقولي جذابة,,
نصيحتي الي ما تحب روائح الفاكة وتحب الروائح الباردة هذي المجموعة جدا جميلة,,
من بين ال 3 مجموعات هذي اكثر رائحة حبيتها,,

بشكل عام هي مجموعة هدايا الي يجهل الشخص ايش يحب يهديه هذي المجموعة,,
لان الروائح منوعة ولكن كخيار لي ما اشتريها مره ثانية أشرتي المجموعة الأخير منفصلة,,
أفضل,,

بكذا أكون وضحتلكم وجهت نضري بالمشتريات أتمنى إنها تكون أعجبتكم,,
تواصلوا معي في حال أردتم ريفيو لشي معين,,
وأستقبل آراءكم وإقتراحاتكم,,
باي beauty's  
(Nena)

Unknown

أسراري جمالية..Beauty tips

لماذا بعض النساء لا يشاركون اسرارهم فيما بينهم هل هو الخوف أو الغيرة,,

لنكسر هذا ولنشارك بعضنا الأسرار,,

اليوم سأتحث عن أسراري الجمالية تعلمتها من باب التجربة أتمنى تكون مفيدة لكم,,

1) كانتور الوجدة,,

زمان كنت أشوف الناس تتغير فك بارز انف اصغر ليش ايش السر,,

بعد فترة أكتشفت قاعدة الكونتور وسرت ما اطلع بمكياجي إلا لما اسوي الكونتور,,

كنت ولا زلت أستخدم برونزر "DOLCE&GABBANA" عشان أخلصها للامانة لان فيها قلتر لمعهة 

لكن عن قرب تكون بارزة تنفع تكون برونزر او كلون ضل للدمج في لتبرز العين,,

الحل الأمثل لي ألين ما اشتري "anastasia contour kit"  للكانتور علبة الضلال استخم لو بني امجه

 مع لون رصاصي لان الضل المعكوس ويعطي هيأت فك اصغر تكون قريبة للرصاصي 

طبعا كلها مات خالية من لمعه,,

2)أقلام تحديد الشفايف ,,

شي رهيب جدا تستخدم لتكبير الشفايف بدون عمليات ^^ يعني تزيدي الرسمة بس بشكل

بسيط الشفه العلية النص والي يقابلها بالشفه السفلية فقط لكن لا تحاولين تزيدين اكثر

من كذا لان ممكن تبينك مهرج لو كانت كل الشفايف,,

زي الفيديو الي تحت يشرح بطريقة سريعه الطريقة,,

3) الحواجب ,,

الحواجب وما ادراك ما الحواجب كنت أعاني معاها جدا ما اعرف اخفيها او حتى أضبطها

وللامانة الحاجب هو فريم الوجه إذا كان مزبوط طلعك مرتبه وحلوة,,

طبعا بعد معاناه طويلة إكتشف فيديو لرنا ميك أب ارتست سعودية تشرح فيها رس الحاجب الأمبري

من بعدها حاجبي سار ارهب شي في الحياه ^^,,

الأشياء الي استخدها هي جل ماك "DIPDOWN" البني,,

فالفرشة الآنقل من سيقما رقم "E65 - Small Angle "

شادو من بالت "Dior"

طبعا كلها مايلة للبني مع العلم ان شعري اسود نصيحة نصيحة عزيزاتي لا جيتو تشقرو حواجبكم ابدا,,

لا تصبغونها اسود لان الأسود جدا جدا سيء,,

قاعدة في رسم الحواجب الشعر الغامق لازم يكون الحاجب افتح بدرجة او درجتين,,

واذا فاتح او أشقر لازم يكون اغمق من الشعربدرجة او درجتين,,

نصيحة شقروا حواجبكم لاكن لا تصبغونها وارسموها افضل لان الصبغ يجبرك دائما تتمكيجين,,

ولا تباني غريبة,,

4)البشرة,,

 اهم واكبر شي يعطيك نعومة الأنثى والجمال هي البشرة,,

اذا كانت رطبة تعطيك إحساس إنك أميرة وأنثى بمعنى الكلمة,,

من أفضل الأشياء الي إكتشفتها زبدة الشية الخام الصفراء اكيد بتقولون ريحة ومدري ايش,,

عندي حل لها ريحة الزبدة ما تقعد طويل فلو ذوبتيها شوي بالميكرويف وتخلين قوامها كريمي مو مغلية

تظيفي عليها ماء ورد وزيت عطري من اي مكان أنا أحط الوايت مسك من البادي شوب,,

او عود تسير ريحتك جدا رهيبة ورطب جسمك طول اليوم طبعا للوجه

يفضل تكون خام لان الي بشرته حساسه ممكن يتحسس من الزيت العطري,,

لكن أنا ابدا وعالجت حتى الحبوب الي كانت في وجهي اكتشاف جدا جدا رهيب ,,

ومن أفضل زيوت الجسم اذا كنتي تبغي ترطيب مع الجفاف الي حاصل في الشتى

زيت جوز الهند ممتاز للترطيب ممتاز للاظافر وممتاز للوجه

مره وحده بالاسبوع تكفيك اعملي حمام الزيت هذا في الدش رطبي جسمك بالمويا,,

وحطي الزيت من 10 دقايق الى 20 دقيقه بعدين اغسليه فخلي جلستك في الحمام ذي صنفره وترطيب

ودلعي نفسك بعدها شطفة سريعه والجسم جدا بيكون ناعم ورهيب,,

لا تآخذوني حبيت أحط هذي الصورة,,
أجمل من العبلة التقليدية لزيت النارجين الي في المطبخ العادة,, XD

حسيت نفسي في هاواي ,, ^_^

5) آيلاينر العيون,,

افضل ايلاينر كريمي جربته على الإطلاق أفضل من YSL ماك "BLACKTRACK"

جدا اسود ويعطي هيأت الايلاينر المات وسلس وغير جاف مل YSL 

ابدا ابدا ندمت اني اشتريته لانه جاف ثقيل وغير سلس الرسم في صعب وتقطع

بينما ماك فالعكس تماما

استخدم فرشة سيقما "E65 - Small Angle"

جدا مريحة وتساعد في الرسم,,

كذا عزيزاتي وصلنا لآخر التدوينة أتمنى أشوف رأيكم فيها وتفاعلمأشفكم قريبا باي,,

Unknown